ஆறுமுக காதல்

(picture by cc license thanks kyz )

ஒன்று

போகிற போக்கில்
மின்னல் எறிந்து போனாள்.
அனிச்சையாக சொல்லிக்கொண்டான்
"அர்ச்சுனன் பெயர் பத்து"

இரண்டு

சும்மா சும்மா
கேட்காதீர்கள்.
அவளுக்கும்
அவள் என்றே பெயர்.

மூன்று

உ மட்டும் எழுதியிருந்த
டைரி ஒன்று எழுதப்படாமலே இருந்தது.
ஏன் என்பதில் எழுதி இருந்தது
யார் கொடுத்தது என்பது.

நான்கு

பச்சை குத்திக்கொண்ட போது
வலி இல்லை.
பத்திரிக்கை நீட்டினாள்
பெயர் இல்லை.

ஐந்து

குடித்துக் குடித்து
நினைவு தப்பி இருந்தான்.
sms வந்தது
"வழி அனுப்பவாவது வருவியா?"

ஆறு

செத்தாலும் பார்க்கக்கூடாது
என்றிருக்கிறான்.
"ஏன் சாகனும்?"
என்றவளை.