பதின்ம வயதும் பாரா டைரி குறிப்பும்

(picture by cc license thanks SubZeroConsciousness)

அச்சுவர் ஏறிக் குதிப்பது
மிக எளிது.

கண்ணாடிச் சில்கள்
பதிந்திருக்கவில்லை.

கால் பதித்து ஏற
செங்கலொன்று உதிர்ந்திருந்தது.

மனிதக்காலில் ஏறி
பூனைக்காலில் குதித்தால் போதும்
பறிக்கலாம்

பால்யத்தில் மாங்காயும்
பருவத்தில் விருப்பத்தையும்.

பூனைக்காலில் ஏறி
மனிதக் காலில் குதித்ததால்
பறித்தேன்

பால்யத்தில் விருப்பத்தையும்
பருவத்தில் மாங்காயும்.