தொடர்பதிவு - 1

சகோதரி ஹேமாவும், தோழர் சி.கருணகரசும், தோழர் ஷஃபிக்ஸ்ம் அழைத்த தொடர் இது. நல்லா இருங்கப்பா..

அ-அம்மா இங்கே வா வா

அப்பாவின் இறப்பிற்கு பிறகு, அம்மா எப்போதாவது வீடு வருகிறாள். மருமகளின் நல்மனசு சுருங்குமுன், புறப்படுகிறாள். சகோதரிகள் வீடு, சித்தப்பா வீடு, பெரியப்பா வீடு என தத்திகொண்டே இருக்கிறாள். அம்மாவை கூடேவே வைத்து பார்க்க முடியாத ஒரே மகனின் நிலைமை யாருக்கும் வர வேண்டாம்.

ஆ-ஆசை முத்தம் தா தா.

பயணம் சொல்லிக்கிற போது, இரு கைகளிலும் கன்னம் வழித்து, சொடிக்கிட்டு, கண்கள் தளும்ப தரும் அம்மா முத்தம்! பயணங்களில் கூடவே வருகிறது.

இ-இலையில் சோறு போட்டு.

ஏழு எட்டு வயதில், ஒரு திருமணத்தில் முதல் பந்தியில் அமர்ந்தேன். "உனக்கென்னடா இப்ப அவசரம்?" என்றார் அந்த பெரியவர். உறவினர். செல்வேந்தர். பிடுங்கி எறிய இயலாதிருக்கிறது பசுமரத்தாணியை.

ஈ-ஈயை தூர ஓட்டு.

வெங்காயக்கடை, காய்கறிக்கடை, LIC-ஏஜென்ட், போட்டோ-வீடியோ எல்லாம் செஞ்சு பார்த்தாச்சு, இந்த காரியத்தையும் பார்த்துக்கொண்டே.

உ-உன்னை போல நல்லார்.

"அப்படியே வர்றான், வாரிசு தப்பாமல். வச்ச இடம் தெரியாமல், எடுத்த இடம் தெரியாமல்-உங்க மகன்" தொலை பேசியில் சிரிக்கிறாள் மனைவி. வாடா...வாடா...வாடா, என் மகனே!

ஊ-ஊரில் யாரும் இல்லை.

பெரியப்பாவிற்கு எட்டு குழந்தைகள். அப்பாவிற்கு அஞ்சு. சித்தப்பாவிற்கு மூணு. எல்லோரும் ஒரே வீட்டில் வீடு கொள்ளாது இருந்தோம். இப்போ, வீடு மட்டும் இருக்கு. ஊரில்.

எ-என்னால் உனக்கு தொல்லை.
"பாதி ஜாமத்துக்கு வராதீங்கன்னு சொல்லி இருக்கேன்ல" என தூக்க கலக்கத்தில் கதவு திறக்கும் தொல்லை, இந்த ஏழு வருசமாய் மனைவிக்கு இல்லை எனலாம்.

ஏ-ஏதும் இங்கு இல்லை.

ஒரு வருஷத்தில் மகள் திருமணம் என நினைத்திருக்கிறேன். பை, காலி. நம்பிக்கை மட்டும் இருக்கு.

ஐ-ஐயம் இன்றி சொல்வேன்

ஏதும் இங்கு இல்லை-இல் சொன்னதுதான். வேறென்ன?..

ஒ-ஒற்றுமை என்றும் உயர்வாம்.

எப்படி, இப்படி இருக்க வாய்த்தது பெரியப்பா, அப்பா, சித்தப்பா?

ஓ-ஓதும் செயலே நலமாம்

நிறைய இருக்கு.வழி நடத்துது.

ஒள-ஔவை சொன்ன மொழியாம்.

அன்னையும் பிதாவும் முன்னறி தெய்வம்.

அஃதே எனக்கு வழியாம்.

ம்ம்ம்ம்..என்ன சொல்லலாம்? ஒரு கவிதை சொல்லலாம்...

மூன்று செங்கலிட்ட

அடுப்பில் கொதிக்கிறது

திருட்டு கோழி.

சாராயத்திற்கும்

ஆள் போயிருக்கு.

வந்த பிறகே

அழுவேன்

முதலில்

கோழிக்கென..

ஸ்ஸப்பா...... இப்பவே கண்ண கட்டுதே! இதுக்குமேல ஆங்கிலம் வேறயா? சொல்லவே இல்லை.....

A-available/single? --single(in Saudi!).

B-best friend?--அப்பா.

C-cake or pie?--ரெண்டுமில்லை.

D-drink of choice?--நெப்போலியன்-கருப்பு அட்டை.

E-essential item you use every day--சிகரெட்.

F-favoraite color--grey.

G-gummy bears or worms?--அப்படின்னா?..

H-home town?-- சிவகங்கை, வாணியங்குடி.

J-janury or febraury?--or மார்ச்சுவரி என்று கேட்டிருக்கலாம். ராஜேஷ்குமார் டைட்டில் மாதிரி.

K-kids & their names?--மகா, சசி.

L-life is incomplete with out?--அன்பு, காதல்.

M-marriage date?--ஜூலை ஒன்பது.

N-number of siblings?--முதலில் நாலு சகோதரிகள். இப்போ, ஹேமா, சக்தி, புதுசாய் கல்யாணி சுரேஷ் வேறு. அறிய: வீடு காலி இல்லை இனி சகோதரிகளுக்கு. நண்பர்கள் வழியாக வரவும்.(அண்ணன் கேரக்டர் ஆக்கிப்புட்டாங்கப்பா நம்மளை)

O-oranges or apples?--திராச்சை ரசம் - ஊறியது.

P-phobias/fears?--அப்படி எதுவும் இருக்குறதா தெரியலை.

Q-quate for today?--அமைதி!--பிரச்சினைகளே இல்லாத வாழ்க்கை இல்லை. பிரச்சினைகளை எப்படி அணுகுகிறோம் என்பதில் இருக்கு!

R-reason to smile?--கையில் ஒண்ணுமில்லை. அடுத்த வருடம் மகள் திருமணம்.சிரிக்கிறேன்..

S-season?--மழைக்காலம்.

T-tag for 4 peoples--நவாஸ்,சபிக்ஸ்,துபாய் ராஜா,உதிரா.

U- un known fact about me--அமித்தம்மாவுக்கு அமித்து. மண்குதிரைக்கு தேநீர். எனக்கு இந்த தண்ணி ஞாபகம் ஏன்னு தெரியலை.

V-vegetables you don't like--அப்படின்னு எதுவும் இல்லை.

W-worst habbit--மறதி.best habbit-ம் இதுவே!

X-xray--இடது கை முறிவின் போது.

Y-your favorite food?--சரசு அத்தை செய்யும் நண்டு ரசமும், சுட, சுட, சோறும்.

ஆச்சா! எம்பூட்டு பெருசுன்னு ஜமால் சண்டைக்கு வரக்கூடாது.

நன்றியும் அன்பும் ஹேமா, கருணா, ஷஃபிக்ஸ்.

இந்த தொடர்பதிவை தொடர நான் அன்புடன் அழைப்பது துபாய் ராஜா, என். விநாயகமுருகன், S.A. நவாஸுதீன்.

அன்புடன்,

பாரா.