நான்

(photo by cc license, thanks Napalm filled tires

)

சக்கரத்தாழ்வார்

சங்கு புஷ்பத்திற்கு என
தனி வண்ணமும் வாசனையும்.
சாமி விரும்பாவிட்டாலும்
நுகர தவறுவதில்லை.

வீராயி அம்மாச்சி கொண்டு வரும்
மாம்பழம் பெயர் கழுதை விட்டை.
ருசி அது இல்லை.

பூர்வீக குழுமையில் சேகரிக்க விருப்பம்
அண்ணாதுரை சித்தப்பா சிரிப்பை.
உபயோகத்தில் இருப்பதை
சேமிப்பானேன்?

காளியப்பன் அண்ணன்
சொன்னால் வேதவாக்கு
அப்பாவிற்கு கிட்ண தாத்தா போல.
ஆயினும் நடை பிரண்டிகளை
அறிகிறார்கள் தாத்தாவும் அண்ணனும்.

சரி,
உன்னுடையது என்னடா வெண்ணை?

சொல்லவந்ததும் அதுதான்..

வானவில்லை vibgyor என்று
அணுகுவதில்லை
நான் எப்போதும்.