சர்க்கஸ்

(photo by cc license, thanks, Emmanuel Dyan

)

இது வீடு.

ஒரு ஹால், அறை,
அடுப்படி, இப்படி.

இது குடும்பம்.

ஒரு மகள், மகன்
இவர்கள் இருவர், அப்படி.

நால்வரும் தூங்குவது ஹாலில்.

மிதிபடலாம்
குழந்தைக் கால்கள் என
நடு ராத்திரியில் கூட
நகர இயலாது அறைக்கு.

வீடு முழுக்க
பகலிலும் இழைகிறாள்
படிப்பு முடித்த மகள்.

ஆயினும்,
சொல்லித்தருகிறது..

ஆட்டையும் புல்லுக்கட்டையும்
புலியையும் ஆட்டையும்
ஒரே படகில் ஏற்ற கூடாதென்கிற
குடும்ப நீதி விடுகதை.