பசி விருந்து

(Picture by CC licence, thanks sashafatcat)

மனைவி குழந்தைகளுடன்
அமர்ந்து சாப்பிட்டு
கொண்டிருக்கிறீர்கள்.

வந்து விடுகிறேன் நான்.

சாப்பிட சொல்லாமல்
இருக்க முடியாது உங்களால்.

சொன்னதும் அமரவும்
முடியாது என்னால்.

வராத விருந்திற்க்கென
சோறுக்கும் குழம்பிற்கும்
கொல்லையில் ஓடும் குழந்தைகள்...

என் வீட்டிலும் உண்டு.

********************************************************

சாப்பிடுடா எனவும்
எங்க வீட்டிலெல்லாம் சாப்பிடுவீங்களா?
எனவும் அடுத்தடுத்து
கேட்கிறாள் பெரியம்மா.

பதில் பிடிச்சிருக்கு.
கேள்வி குழப்புகிறது
பசியில் இருக்கும் எனக்கு.