ரயிலோசையில் கிடுகிடுக்கும் வீடு

(picture by cc license thanks DariusLighting)

எட்டரைக்கு சேது எக்ஸ்பிரஸ்.

இட்லியோ தயிர் சாதமோ
கட்டிக் கொண்டிருப்பாள்
இவனுக்கும் குழந்தைகளுக்கும்.

வேலையெல்லாம் ஓஞ்சு
சற்று கட்டையை சாய்க்க
பேன் சுட்சு தட்டும் போது
மதியம் ரெண்டரை எனக் கூவும்
ராமேஸ்வரம் பாசஞ்சர்.

கொல்லம் எக்ஸ்பிரஸ் வந்தால்
அரை மணி நேரத்தில் இவன் வருவான்.

குழந்தைகள் தூங்கி
இவனும் இறங்கிப் படுக்கும் போது
போய்க் கொண்டிருக்கும்

கருவாடு வாசனை மணக்கும்
இவளுக்கும் பிடித்தமான
ரெண்டுமணி கூட்ஸ் வண்டி.

வாய்க்கால் வெட்டும் திட்டம்

(picture by cc license thanks Orin Zebest)

Pantene shampoo நல்லாருக்குப்பா
என்கிறாள் மகா.

Jergens body lotion பிடிச்சிருக்கு
போல சசிக்கு.

Bigen hair டை
தீர்ந்திருக்கிறது லதாவிற்கு.
(big பெண் தலை என்பதால் இருக்கலாம்தான்)

அப்பா இருந்தால்
பேரீச்சம்பளம் கேட்டிருப்பார்.
அப்பா நினைவாய்
அம்மாவிற்கு தரலாம்.

சகோதரிகள் எதுவும் கேட்பதில்லை.
நானாக தந்தால்
வேணாம் என்பதும் இல்லை.

சரக்கு கொண்டு போகலைன்னா
கழுவில் ஏற்றுவார்கள் நண்பர்கள்.

ராசாராமா,
உன் மாங்கொழுந்து வெயிலும்
மரிக்கொழுந்து வாசனையும் அங்கிருக்கு.

இங்கிருந்து எதுவும் கொண்டு போக
கிறுக்கா உனக்கு?